A Man With Dreams…

Qateel Shifayi

Aside

Yeh mojza bhi muhabbat kabhi dikhaye mujhe..

Yeh mojza bhi muhabbat kabhi dikhaye mujhe..
Kay sang tujh pe girain aur zakham aye mujhe..

Main ghar se teri tamanna jub pehan k niklun..
Barhana shehr main koe nazar na aye mujhe..

Wo mera dost hai saray jahan ko hai maloom..
Dagha karay wo kisi se to sharm aye mujhe..

Wo mehrbaan hai to iqraar kyu nahi kerta..
Wo bdguman hai to so bar azmaye mujhe..

Main apni zaat main neelam horaha hun QATEEL,
Gham-e-hayaat se keh do k kharid laye mujhe..


Waada-e-hoor pe behlaaye hue loag hain hum

Waada-e-hoor pe behlaaye hue loag hain hum,
Khaak bolenge k dafnaaye hue loag hain hum,

Yun her ik zulm pe dum saadhay kharay hain,
Jaise deewar me chunwaaye hue loag hain hum,

Uski her baat pe labbaik bhala kyun na kahen,
Zarr ki jhankaar pe bulwaaye hue loag hain hum,

Jiska jee chaahe wo ungli pe nacha leta hai,
Jaise baazaar se mangwaaye hue loag hain hum,

Hansi aaye bhi to hanste hue darr lagta hai,
Zindagi yun tere zakhmaaye hue loag hain hum,

Aasman apna,zameen apni, na saans apni to phir,
Jaane kis baat pe itraaye hue loag hain hum,

Jis terha chaahe bana le hamen wakt Qateel,
Dard ki aanch pe pighlaaye hue loag hain hum..!!


Guzray Dinon Ki Yaad Barasti Ghata Lagay

Guzray Dinon Ki Yaad Barasti Ghata Lagay
Guzrun Jo Os Ki Gali Se Tou Thandi Hawa Lagay

Mehmaan Ban Ke Aaye Agar Kisi Roz Wo Shakhs
Is Roz Bin Sajaaye Mera Ghar Sajaa Lagay

Mein Is Lye Manaata Nahi Vasl Ki Khushi
Mere Raqeeb Ki Na Mujhe Bad-Dua Lagay

Wo Qehat Dosti Ka Parra Hai Ke In Dinon
Jo Muskura Ke Baat Karay Aashna Lagay

Tark-e-Wafaa Ke Baad Ye Oski Adaa “Qateel”
Mujh Ko Sataaye Koi Tou Osko Bura Lagay


Milkar Juda Huey Tou Na Soya Karenge Hum

Milkar Juda Huey Tou Na Soya Karenge Hum
Ek Doosre Ki Yaad MeiN Roya Karenge Hum

aaNsoo Chalak Chalak Ke Sataayenge Raath Bhar
Moti Palak Palak MeiN Piroyaa Karenge Hum

Jab DooriyoN Ki Yaad DiloN Ko Jalaayegi
JismoN Ko Chaandni MeiN Bhigoya Karenge Hum

Ban Kar Ik Bazm Ka Mauzu-e-Guftugu
Jismon Ko Chaandni Mein Bhigoya Karain Ge Hum

Majbooriyon Ke Zeher Se Karlain Ge Khudkushi
Ye Buzdili Ka Jurm Bhee Goya Karain Ge Hum

Dil Jal Raha Hai Zard Shajar Dekh Dekh Kar
Ab Chaahaton Ke Beej Na Boya Karain Ge Hum

Gar De Gaya Daga HameN Toofan Bhi ‘Qateel’
Sahil Pe KashtiyoN Ko Dooboya Karenge Hum


Wo Dil Hee Kia Tere Milnay Ki Jo Dua Na Karay

Wo Dil Hee Kia Tere Milnay Ki Jo Dua Na Karay
Mein Tujh Ko Bhool Ke Zinda Rahuun Khuda Na Karay

Rahay Ga SaathTera Pyaar Zindagi Ban Kar
Ye Aur Baat, Meri Zindagi Wafa Na Karay

Ye Theek Hai Nahi Marta Koi Judaai Mein
Khuda Kisi Se Kisi Ko Magar Judaa Na Karay

Suna Hai Osko Mohabbat Duaaein Deti Hai
Jo Dil Pe Chot Tou Khaaye Magar Gila Na Karay

Bujha Dia Hai Naseebon Ne Mere Pyaar Ka Chaand
Koi Dia Meri Palkon Pe Ab Jala Na Karay

Zamana Dekh Chuka Hai Parakh Chuka Hai
“Qateel” Jaan Se Jaaye Per iLtijaa Na Karay


Sadma Tou Hai Mujhe Bhi Ke Tujh Se Judaa Hun Mein

Sadma Tou Hai Mujhe Bhi Ke Tujh Se Judaa Hun Mein
Laikin Ye Sochta Hun Ke Ab Tera Kia Hun Mein ?

Bikhra Para Hai Tere Hee Ghar Mein Tera Wajood
Bekaar Tujhe Mehfilon Mein Dhoondta Hun Mein

Mein Khudkushi Ke Jurm Ka Karta Hun Aitraaf
Apnay Badan Ki Qabar Mein Kab Se Gada Hun Mein

Kis Kis Ka Naam Laun Zaban Par Ke Tere Sath
Har Roz Ek Shakhs Naya Dekhta Hun Main

Na Jane Kis Ada Se Liya Tune Mera Naam
Duniya Samajh Rahi Hai Ke Sab Kuch Tera Hun Main

Le Mere Tajrubon Se Sabak Ae Mere Raqib
Do Char Sal Umr Mein Tujhse Bara Hun Main

Jaaga Howa Zameer Wo Aaina Hai “Qateel”
Sonay Se Pehlay Roz Jisay Dekhta Hun Mein


pne Honton Pe Sajana Chahta Hun

Apne Honton Pe Sajana Chahta Hun
Aa Tujhe Mein Gungunana Chahta Hun

Koi Aansuu Tere Daaman Pe Gira Ke
Boond Ko Moti Banana Chahta Hun

Thak Gaya Mein Yaad Kartay Kartay Tujh Ko
Ab Tujhe Mein Yaad Aana Chahta Hun

Aakhri Hichki Tere Zaano Pe Aaye
Mout Bhee Shayarana Chahta Hun

Reh Gayi Thi Kuch Kami Ruswaayion Mein
Phir “Qateel” Oske Dar Pe Jaana Chahta Hun


Pyaas Wo Dil Ki Bujhaanay Kubhi Aya Bhee Nahee

Pyaas Wo Dil Ki Bujhaanay Kubhi Aya Bhee Nahee
Kaisa Baadal Hai Jis Ka Koi Saaya Bhee Nahee ?

Be-Rukhi Is Se Badi Aur Bhalaa Kia Hogi ?
Ik Muddat Se Hamain Osne Sataaya Bhee Nahee

Roz Aata Hai Dard-e-Dil Pe Wo Dastak Dene
Aaj Tak Ham Ne Jisay Paas Bulaaya Bhee Nahee

Sun Lia Kaisay Khudaa Jaanay Zamaanay Bhar Ne ?
Wo Fasaana Jo Kubhi Ham Ne Sunaaya Bhee Nahee

Tum Tou Shayar Ho Qateel Aur Wo Ik Aam Sa Shakhs
Osne Chaaha Bhee Tujhe Aur Jataaya Bhee Nahee


Tumhaari Anjuman Se Uth Kar Deewaanay Kahan Jaatay ?

Tumhaari Anjuman Se Uth Kar Deewaanay Kahan Jaatay ?
Jo Waabasta Howay Tum Se Wo Afsaanay Kahaan Jaatay ?

Nikal Kar Dair-o-Kaaba Se Agar Milta Na Maikhaana
Tou Thukraaye Howay Insaan Khuda Jaanay Kahaan Jaatay ?

Tumhaari Be-Rukhi Ne Laaj Rakh Li Baadaah Khaanay Ki
Tum Aankhon Se Pila Daitay Tou Paimaanay Kahaan Jaatay?

Chalo Acha Howa, Kaam Aagayi Deewaangi Apni
Wagarna Ham Zamaanay Bhar Ko Samjhaanay Kahaan Jaatay ?

“Qateel” Apna Muqaddar Gham Se Begaana Agar Hota
Tou Apnay Paraaye Hum Se Pehchaanay Kahaan Jaatay ?


Garmi-e-Hasrat-e-NaKaam Se Jal Jaatay Hain

Garmi-e-Hasrat-e-NaKaam Se Jal Jaatay Hain
Ham Charaaghon Ki Tarah Shaam Se Jal Jaatay Hain

Shamaa Jis Aag Mein Jalti Hai Numaaish Ke Lye
Ham Isi Aag Mein Gumnaam Se Jal Jaatay Hain

Khud-Numaayi Tou Nahee Shewa-e-Arbaab-e-Wafa
Jin Ko Jalna Ho Wo Aaraam Se Jal Jaatay Hain

Bach Nikaltay Hain Agar Aatish-e-Sayyaal Se Ham
Shola-e-Aariz-e-Gulfaam Se Jal Jaatay Hain

Jab Bhee Aata Hai Mera Naam Tere Naam Ke Saath
Jaanay Kiun Loog Mere Naam Se Jal Jaatay Hain ?


Mein Oska Dost Hun, Wo Aitraaz Karta Tha

Mein Oska Dost Hun, Wo Aitraaz Karta Tha
Magar Wo Baatain Bhee Mere Khilaaf Karta Tha

Suna Hai Gir Ke Mera Baadalon Ki Seerhi Se
Wo Aasmaan Ki Chhat Mein Shigaaf Karta Tha

Kamaal Hai Ke Howa Wo Bhee Nazar-e-BeKhabari
Jo Hum Pe Roz Naye Inkishaaf Karta Tha

Wo Qatal Ho Gaya Badsooraton Ki Mehfil Mein
Jo Saaray Sheher Ke Aainay Saaf Karta Tha


mujhko sataye koi to us ko bura lage

guzre dinon ki yad barsati ghata lage
guzrun jo us gali se to thandi hawa lage

mehman banke aye kisi roz agar wo shakhs
us roz bin sajaye mera ghar saja lage

main is liye manata nahin wasl ki khushi
mere raqib ki na mujhe baddua lage

wo qahat dosti ka para hai k in dinon
jo muskura k bat kare ashna lage

tark-e-wafa k bad ye us ki ada ‘Qateel’
mujhko sataye koi to us ko bura lage

 

(¯`v´¯)
`·.¸.·´ FASH FOREVER
¸.·´¸.·´¨) ¸.·*¨)
(¸.·´ (¸.·´


Wo Shaks Ke Mein Jis Se Mohabbat Nahee Karta

Wo Shaks Ke Mein Jis Se Mohabbat Nahee Karta
Hansta Hai Mujhe Dekh Ke, Nafrat Nahee Karta

Ghar Waalon Ko Ghaflat Pe Sabhi Kous Rahay Hain
Chooron Ko Magar Koi Malaamat Nahee Karta

Detay Hain Ujaalay Mere Sajdon Ki Gawaahi
Mein Chhup Ke Andheron Mein Ibaadat Nahee Karta

Bhoola Nahee Aaj Bhee Mein Aadaab-e-Jawaani
Mein Aaj Bhee Auron Ko Naseehat Nahee Karta

Duniya Mein Qateel Ossa Munaafiq Nahee Koi
Jo Zulm Tou Sehta Hai Baghaawat Nahee Karta


Apne Haathon Ki Lakeeron Mein Basaa Le Mujhko

Apne Haathon Ki Lakeeron Mein Basaa Le Mujhko
Mein Hun Tera Naseeb Apna Bana Le Mujhko

Mujh Se TU Poochnay Aaya Hai Wafa Ke Maainay
Ye Teri Saada-Dili Maar Na Daalay Mujhko

TU Ne Dekha Nahee Aainay Se Aagay Kuch Bhee
Khuda Parasti Mein Kaheen TU Na Ganwa Le Mujhko

Khud Ko Mein Baant Na Daalon Kaheen Daaman Daaman
Kar Dia TU Ne Agar Mere Hawaalay Mujhko

Baadaah Phir Baadaah Hai Mein Zeher Bhee Pee Jaon Qateel
Shart Ye Hai Koi Baanhon Mein Sambhaalay Mujhko


Roshni Chahye Sabaa Ke Lye

Roshni Chahye Sabaa Ke Lye
Phool Roshan Karo Khuda Ke Lye

Osko Itna Bhee Meherbaan Na Kaho
Hum Taras Jaayein Ge Wafaa Ke Lye

Ishq Ki Intehaa Kisay Maaloom ?
Jaan Kaafi Hai Ibtedaa Ke Lye

Be-Gunaahi Jo Shart Tehri Hai
Hum Ko Chun Lijiye Sazaa Ke Lye

Parsaai Hai Buzdili Ka Naam
Honsla Chahye Khataa Ke Lye

Har Kisi Per Qateel Kiun Aata Hai ?
Dil Tha Sirf Ik Dil-Ruba Ke Lye


Pahly to wohi dushman, phir us ki ada dushman

>>Pahly to wohi dushman,
phir us ki ada dushman,

Darkaar nahi hm ko,
Ab koi nya dushman.

Har shaks mukhalif tha,
jab us sey mrasim they,

Ab us k bichrtey hi,
koi na rha dushman.

TOUBA to nhi mushkil,
mushkil hy to bas ye hy,

Hum jaam agr torian,
ban jaey ghta dushman.

Kia husn-e-zann apna tha,
us shaks k barey mey,

Jis shaks ney samjhaya,
wo hm ko lga dushman.

Koi b ”Qateel” un ki pehchan na kar paaey

Kia rang badalty hn ye dost numa dushman


jism Ke Jazeeray Mein, Ye Jo Dil Ki Vaadi Hai

jism Ke Jazeeray Mein, Ye Jo Dil Ki Vaadi Hai
Is Pe Raaj Hai Jis Ka, TU Wo Shehzaadi Hai

Apnay Dar Pe Sajdon Ki Raah Kia Dikha Di Hai
TU Ne Mere Maathay Per Zindagi Sajaa Di Hai

Tujh Ko Bhoolna Chaahon, Aur Shikast Khaa Jaon
Kitni Be-Waqar Apni Quwwat-e-Iraadi Hai

Justuju Ke Sehraa Mein Ab Kahan Koi Aanchal ?
Mein Ne Apni Chhaon Bhi Dhoop Mein Ganwa Di Hai

Yaad Kar Ay Taaj Kubhi Tu Bhi Os Mohabbat Ko
Jis Ne Tere Marmar Ko Chaandni Pila Di Hai

Mera Saath Kia Dega Shaikh Barsar-e-Mehfil ?
Wo TOu Chhup Ke Baichaarah Jhoomnay Ka Aadi Hai

Dost Sab Qateel Apnay Tul Gaye Raqaabat Per
Mein Ne Koi Dil Ki Baat Jub Unhain Suna Di Hai


Ay Kaash Tujhe Aisa Ik Zakhm-e-Judaai Dun

Ay Kaash Tujhe Aisa Ik Zakhm-e-Judaai Dun
Jab Tais Koi Chamkay Mein Tujhko Dikhai Dun

Jis Roz Kubhi Tera Deedaar Na Ho Paaye
Mein Apni Hee Aankhon Ko Naabeena Dikhai Dun

Magroor Hai TU Kitna Sirf Ik Sanam Ban Kar ?
TU Chaahay Tou Mein Tujhko Tan Man Ki Khudaai Dun

Tujh Sa Koi Dil Wala Mehsoos Karay Mujhko
Mein Geet Nahi Aisa Jo Sab Ko Sunaai Dun

Ik Umer Ke Baad Apnay Chit Chor Ko Pakra Hai
Mein Kaisay Qateel Osko Baanhon Se Rihaayi Dun ?


Gham-e-Hijar Se Na Dil Ko Kabhi Humkinaar Karna

Gham-e-Hijar Se Na Dil Ko Kabhi Humkinaar Karna
Mein Phir Aaoyoun Ga Palat Kar Mera Intezaar Karna

Mujhe Darr Hai, Mere Aansoo Teri Aankh Se Na Jhalkien
Zara Sooch Kar Samajh Kar Mujhe Sogawaar Karna

Ussey Dhoond Sab Se Pehlay Jo Mila Nahien Hai Tujh Ko
Yeh Sitarey Aasmaan Kay Kabhi Phir Shumaar Karna

Mere Shaher Ki Fiza Mein Koi Zahar Bhar Gaya Hai
Tere Husn Par Hai Laazim Ussay Khusgawaar Karna

Mein Uthayoun Gaa Na Ihsaan Tere Baad Na-Khuda Ka
Mujhe Tu Ney Hi Daboya, Mujhe Tu Hi Paar Karna

Mere Bad-Naseeb sathi, Teri Zindagi Hi Kya Hai
Na Kisi Sey Dil Lagaana, Na Kisi Sey Pyaar Karna

Kabhi Iqtidaar Bakhshey Jo Khuda Qateel Tujh Ko
Jo Rawish Hai Qatiloon Ki, Woh Na Ikhtiyaar Karna


Ay muhabat tere anjam pe rona aaya,

Ay muhabat tere anjam pe rona aaya,
Jane kyun aaj tere naam pe rona aaya

Youn tou har sham umeedon mein guzer jati hai,
Aaj kya baat hai jo sham pe rona aaya

Kabhi taqdir ka matam, kabhi dunya ka gila,
Manzil-e-ishq mein har gaam pe rona aaya

Jab hua zikr zamane mein muhabat ka “Qateel”
Mujhko apne dil-e-nakam pe rona aaya.

angrai par angrai leti hai rat judai ki

angrai par angrai leti hai rat judai ki
tum kya samjho tum kya jano bat meri tanhai ki

kaun siyahi ghol raha tha waqt k bahte dariya mein
main ne ankh jhuki dekhi hai aj kisi harjai ki

wasl ki rat na jane kyun israr tha unko jane par
waqt se pahle dub gae taron ne bari danai ki

urte urte as ka panchi dur ufaq mein dub gaya
rote rote baith gai awaz kisi saudai ki


Follow

Get every new post delivered to your Inbox.

Join 1,801 other followers