A Man With Dreams…

* Poetry From My Diary *

Muhabbat Rog Hai Janaa

Mohabbat Rog Hay Jaana
Ajab Sanjog Hay Jaana
Yeh Kaisa Jog Hay Jaana

Baray Borhay Btatay Thy
Kayi Qissay Sunatay Thy
Magar Hum Mantay Kab Thy
Yeh Sab Kuch Jantay Kab Thy
Yeh Baatein Zikr k Qabil
Bhala Gardantay Kab Thy

Ana k Takht Par Baithy
Humein Maloom Hi Kab Tha
Ana k Takht Se Ooper
Bohat Sari Bulandi Par
Kahin Pariyon k Jhurmat Mein
Tery Pairoon Ki Payel Mein
Tery Chotay Se Gaaon Mein
Ghani Zulfoon Ki Chaaon Mein
Sitaray Chaand Sooraj
Walehana Raqs Kartay Hain

Humein Maloom Hi Kab Tha
Tery Qadmon Ki Aahat Par
Gulabi Muskurahat Par
Tery Hontoon Ki Jumbish Par
Tery Sir k Isharay Par
Sada-e-DilBrana Par
Nigah-e-Qatilana Par
Jafa-e-Mehrmana Par
Ada-e-Kafirana Par
Chaman k Phool Saray
Iss Tarah Se Dhayan Detay Hain
Zara Se Wasl k Jhansey Mein
Apni Jaan Detay Hain

Humein Kab ILM Tha Jaana
Tery Pekar Se Dhul kar
Chandani Har Soo Bikharti Hay
Shab-e-Mahtab Ki Doshezgi
Kaisy Nikharti Hay
Teri Payel Ki Chan Chan
Mann Mein Kya Ghanti Bajati Hay
Teri Awaz Veerany Mein
Kya Jadu Jagati Hay
Tery Naghmay Fiza Mein
KisTarah Jal Tarang Bajaty Hain
Bohat Pukhta Iraday
Kis Tarah Se Toot Jatay Hain

Humein Idraak Hi Kab Tha
Humein Kamil Bharosa Tha
Hamary Sath Kisi Surat
Bhi Aisa Nahi Ho Ga
Dil-e-Nadaan Kabhi
Qaboo Se BeQaboo Nahi Ho Ga
Yeh DuniyaDaar
DuniyaDaar Se Saadhuu Nahi Ho Ga

Magar….

Magar Phir Yun Huwa Jaana
Na Janay Kiun Huwa Jaana
Bara Afsoon Huwa Jaana
Jigar Ka Khoon Huwa Jaana

Tery Abroo Ki Ik Jumbish
Se Ghayel Ho Gaye Hum b
Baray Be Multafit Phirtay Thy
Maayel Ho Gaye Hum b
Sakhawat Karnay Aye Thy
Aur Saayel Ho Gaye Hum b
Baray Borhoon Ki In Baaton k
Qaayel Ho Gaye Hum b

K …..

Mohabbat Rog Hay Jaana
Ajab Sanjog Hay Jaana
Yeh Kaisa Jog Hay Jaana…!!!


maine dekha tha un dino mai usse

maine dekha tha un dino mien usse
jab wo khiltay gulab jesa tha
uski palkoon se neend chanti thi
us ka lahja sharab jesa tha
us ki zulfoon se bhegti thi ghatta
us ka rukh mahtaab jesa tha
log parhtay thay khal o khad us ke
wo adab ki kitab jesa tha
bolta tha zaban khushbu ki
log suntay thay dharkanooon mien usse
mien dekha tha un dino mien usse
sari ankhien thein aainay uske
saray chahroon mien intekhab tha wo
ye haqeqat hai ke koi khawab tha wo
sab se ghul mil ker ajnabi rahna
ek dariya numa serab tha wo
meri neendien bhi uski nazr hoein
meine paya tha ratjagoon mein usse
meine dekha tha un dino mien usse
jab wo hans hans ke raat karta tha
dil ke khemay mein raat karta tha
rang parhtay thay aanchaloon mien usse
miene dekha tha un dino mien usse
ye magar daer ki kahani hai
ye magar daer ka fasana hai
abh us ke aur mere milaap ke haail
sadiyon bhara zamana hai
abh ke haal apna bhi dasht e hijra ki shaam jesa hai
najanay in dino wo kesa hoga??
men dekha tha un dino mein usse
jab wo khilte Gulaab jaisa tha…..

Kabhi tamana k raaston par

Kabhi tammana kay rastoon pay nikal paro tu
Khayaal rakhna
hawain,badal,fiza’ain,mausam,khayaal
Chahray badal badal k tumhain milain gay
Tu lamha lamha badltay rangon k
Shookh dhokay mein aa na jana
Kabhi jo cha’ron taraf tumharay
Kiran kiran apna khaab aa k
Badan nikharay ,zamee’n pay utray
Tu dhund’lakon mein samaa na jana
Kabhi jo ankhoon mein chand has has k
Chandni ka khumar bhar day
Tu apni ankhain kahin khala mein ganwaa na ana
K ye na ho k jo khaab tootay
Dhanak dhanak ka sarab tootay
Jo jism-o-jaan pay azaab tootay
Aur tm ba-mushkil laraztay hathon mein
Khain bulandi pay charh k
ristee hoe nigahon say
Waspsi k nishan dhondo
ujaar gaya jo jahan dhondo
Kabhi tamnna k rastoon pay
nikal paro tu khayal rakhna
Kahin say khali palaat k ana
Bohat kathin hai
Bohat kathin hai


Bohut Farsuda lagte Hain

Bohat Farsooda lagte hain mujhay ab yaar k qisse

Gul-o-gulzaar ki baten lab-o-Rukhsaar k qisse

Yahan sab k muqaddar main faqat zakham-e-Judaye hai

Sabhi Jhoote Fasane hain wisaal-e-yaar k qisse

Bhala ishq-o-Muhabbat main kisi ka pait bharta hai?

Suno tum ko sunata hon main karobaark qisse

Mere ehbaab kehte hain yehi ik aib hai mujh main

Sar-e-Dewaar likhta hon pas-e-dewaar k kisse

Main aksar islye logon se jakar khud nahi milta

Wohi bekaar ki baten Wohi bekaar k qisse


tumhara khat mila janaa

 

Tumhara khat mila jana
wo jisme tumne pucha hai ke ab halat kase hain?
mera din raat kase hain?
meharbani tumhari hai!
ke tumne is terha mujhse,
mere halat puche hain
mere din raat puche hain
tumhe sab kuch bata dunga
mujhe itna bata do ke
kabhi sagar kinare par kisi machli ko dekha hai?
ke jis ko lehrein pani ki
kinare tak to lati hain
magar phir chhod jati hai
mere halat aise hain
mere din raat aise hain


 


Teri Aankhon Si Ankhen

 

Teri Aankhon Si Aankhein
 Aaj Ik Chehray Pe Dekhi Hain

 Vohi Rangat, Banawat
 Aur Wesi Hi Be Rukhi Un Mein

 Bichartay Waqt Jo Main Ne
 Teri Aankhon Mein Dekhi Thi
 
 Teri Aankhon Si Aankhon Ne
 Mujhay Ik Pal Ko Dekha Tha

 Vo Pal Ik Aam Sa Pal Tha

 Magar Uss Aam Se Pal Mein
 Puranay Kitney Mousam,Kitney Manzar Main Ne Dekhy Thy

 Meri Jaan Main Samjha Tha
 Teri Aankhon Si Aankhein Jab

 Meri Aankhon Ko Dekhein Gi
 To Ik Lamhay Ko Sochein Gi

 k In Aankhon Ko Pehlay b
 Kisi Chehray Pe Dekha Hay
 
 Magar in Jheel Aankhon Mein
 Shanasayii Nahi Jaagi

 Meri Aankhein!
 Teri Aankhon Si Aankhon k Liye
 Kab Khas Aankhein Thin

 Teri Aankhon Ne Shayed Yeh

 Kayii Chehron Par Dekhi Hon
 k Yeh To Aam Aankhein Hain
 

 Main Aisa Soch Sakta Tha
 Magar Main Kya Karon Dil Ka

 Jo Ab Yeh Yaad Rakhay Ga
 Teri Aankhon Si Aankhein
 
Main Ne Ik Chehray Pe Dekhi Thin
 Phir Uss k Baad Kitnay Din
 Meri Aankhon Mein Sawan Tha...!!!

 


Qurbaton mein bhi judaai ke zamaane maange

Qurbaton mein bhi judaai ke zamaane maange
dil wo bemahar ke rone ke bahane maange

… Hum na hote to kisi aur ke charche hote
khalqat-e-shahar to kahne ko fasaane maange

Yahi dil tha ke tarasta tha maraasim ke liye
Ab yahi tark-e-taalluq ke bahaane maange

apna ya haal ke jee haar chuke lut bhi chuke
Or mohabbat wohi andaaz purane maange

Zindagi hum tarse daghon se rahe sharminda
Or tu hai ke sada aaina khane maange

dil kisi haal pe maane hi nahi jaan-e-’Faraz’
mil gaye tum bhi to kya aur na jaane maange


Mujhe Aarzoo e Seher Rahi

Mujhe aarzoo-e-sehar rahi yun hi raat bari dair tak
Na bikher saka na simat saka yun hi raat bari dair tak

Hai boht azaab aur akailay hum,aur shab-e-gam bhi taweel tar
Rahi zindagi bhi saraab aur rahi ankh tar bari dair tak

Yahan her taraf hai alag saman, sabhi hud pasand sabhi khud numa
Dil-e-beqrar ko na mil saka koi charagar bai dair tak

Mujhe zindagi hai azeez tar,isi waste meray hamsafr
Muje qatra qatra pila zehar jo karay asar bari dair tak …!!!


Mujhse Pehle Si Muhabbat


Muhabbat Aakhrish Hai Kya ?

Me Shaair Hoon To Akser Loog Mujh Se Pochtey Hein
Is Haseen Israar K Baare
Bataain To Bhala Kia Hai?
Muhabat Aakhrish Hai Kia?
Wasi Me Hans K Kehta Hoon
Kisi Pyase Ko Apne Hissey Ka Paani Pilana Bhe
Muhabat Hai
Bhanwar Me Doobte Ko Saahiloon Tak Le K Jana Bhe
Muhabat Hai
Kisi K Waaste Nanhi Si Qurbani Muhabat Hai
Kaheen Hum Raaz Saare Khool Saktey Hoon Mager Phir Bhe
Kisi Ki Bebasi Ko Dekh Ker Khaamosh Reh Jana
Muhabat Hai
Ho Dil Me Dard, Weraani Mager Phir Bhe
Kisi K Waaste Jabran He Hoonto Per Hansi Laana
Zaberdasti He Muskana
Muhabat Hai
Kaheen Barish Me Seh’me, Bheegte Billi K Bachey Ko
Zara Si Deir Ko Ghar Ley K Aana Bhe
Muhabat Hai
Koi Chirya Jo Kamre Me Bhatakti Aan Nikli Ho
To Us Chirya Ko
Pankhey Band Ker K Raasta Bahir Ka Dikhlana
Muhabat Hai
Kisi K Zakhm Sehlana
Kisi Rotey Huwe Ke Dil Ko Behlana
Muhabat Hai
K Meetha Bool , Meethi Baat, Meethey Lafz, Sab Kia Hain?
Muhabbat Hai
Muhabat Aik He Bas Aik He Insaan Ki Khatir
Magan Rehna
Hama Waqt Us Ki Batoon, Khushbowoon Me Dolna Kab Hai
Muhabat Us Ki Zulf K Bul Kholna Kab Hai
Muhabat K Hazaaron Rang
Laakhon Ista’aarey Hein
Kisi Bhe Rang Me Ho Yeh
Mujhey Apna Banati Hai
Yeh Mere Dil Ko Bhaati Hai !!


Muhabbaton mai har ek lamha visaal hoga

 

‘mohabbaton mein har ek lamha
visaal hoha ye teh huya tha

bichar ke bhi ek dusre ka khayal
hoga ye teh huya tha

wahi huya na badalte mausm mein
tumne humko bhula diya

koi bhi rut na chahton ko zawal hoga
ye teh huya tha

ye kya ,ye kya ki sansey ukhar gayi
safar ke agaz se hi yaroo

koi bhi thak kar na raste mein nidhal
hoga ye teh huya tha

juda huye hai to kya huya phir
yahi to dastur-e-zindagi hai

judayion mein na qurbaton ka malal
hoga ye teh huya tha

chalo ke ab kashtiyon ko jala de

gumnam sahilon par

ki ab yaha se wapsi ka sawal na hoga
ye teh huya tha

bichar ke bhi ek dusre ka khayal
hoga ye teh huya tha

mohabbaton mein ha ek lamha visal hoga
ye teh huya tha .’

 


Muhabbaton ka Pata Chale ga

 

‘Had-e-jana say guzar hoa to, mohabbaton ka pata chalay ga
Koi mohabbat ke nazar hoa to, mohabbaton ka pata chalay ga

Abhi to phirtay ho doston main, azeez koi juda nahi hai
Koi idhar say udhar hoa to, mohabbaton ka pata chalay ga

 

ye khush naseebi hai sheher bhar mai tumhara dushman nahi hai koi

kabhi kisi ka jo darr huwa to, muhabbaton ka pata chale ga

 

ye faasla jo abhi talak hamare dono ke darmiyan hai

ye faasla mukhtasir huwa to, muhabbaton ka pata chale ga

 

Abhi mohabbat nahi hoi na. kuch isiliay muskara rahay ho
Kisi ke bahoon main ghar hoa to , mohabbaton ka pata chalay ga

 

MUHABATON mai pathron ko mom hoty suna hai laikn,
Tumhary dil pe asar howa to MUHABATON ka pata chalyga.’

 

Wo jiske khatir bana rahay ho,zamanay bhar ko tum apna dushman
Woh he na apna agar hoa to , mohabbaton ka pata chalay ga

 

badal badal ke wo apne chehre mayaar apna bana rahe ho

koi na had’e’nazar huwa to, muhabbaton ka pata chale ga

 

Yi kya bicharna ki sham hoty hi apny pyaron mai loot aana,
Kabhi jo lamba safar howa to MUHABATON ka pata chalyga.

 

 

 


Meri Zindagi tou firaaq hai, woh azal se dil main makeen sahi

Meri Zindagi tou firaaq hai, woh azal se dil main makeen sahi
Wo nigah’e_shauq se door hain, rag’e_jaan se lakh qareen sahi

Hamein jaan dainee hai aik din, wo kisi tarah wo kahin sahi
Hamein aap khainchiye daar par, jo nahi koi tu hameen sahi

Sar_e_toor ho sar_e_hasher ho, hamein intizaar qubool hai
Wo kabhi milein, wo kahin milein, wo kabhi sahi, wo kahin sahi

Na ho un pe kuch mera bass nahi, k ye aashqi hai hawas nahi
Mai unhi ka tha, mai unhi ka hoon, wo mere nahi tu nahi sahi

Mujhe bhaithne ki jaga milay, meri aarzoo ka bharam rahay
Teri anjuman mein agar nahi,teri anjuman k qareen sahi

tera dar tau hum ko na mil saka, teri rahguzar ki zameen sahi
hamain sajda karne se kaam hai, jo wahan nahin tau yahin sahi

meri zindagi ka naseeb hai nahin door mujh se qareeb hai
mujhay uska ghum tau naseeb hai wo agar nahin tau nahin sahih

jo ho faisala wo sunaaiye usay hashr pe na uthaiye
jo karain gay app sitam wahan wo abhi sahi wo yehin sahi

Use dekhne ki jo low lagi tu Naseer dekh hi lain gey hum
Wo hazaar aankh se door ho, wo hazaar pardah nasheen sahi


Yad karke mujhe taklif he hoti hogi

Yad karke mujhe taklif he hoti hogi,
Aik qisa hoon purana sa bhula de mujhko.

Doobte doobte awaz teri sun jaun.
Akhri baar tu sahil se sada de mujhko.

Main tere hijr main chup chaap na mar jaun kahin.
Main hoon sakte main kabhi aake rula de mujhko.

Dekh main hogaya badnam kitabon ki tarah.
meri tasheer na kar ab tu jala de mujhko.

Roothna tera meri jaan lie jata hai.
Aese naraz na ho haske dikhade mujhko.

Aur kuch bhi nahi manga mere malik tujhse.
Uski galion main pari khak banade mujhko.

Log kehte hain ke ye ishq nigal jata hai.
Main bhi is ishq mani aya hun, dua de mujhko.

Yahi oqat hai meri tere jeevan main ke main.
Koi kamzor sa lamha hun. bhulade mujhko.


Mai Aisi Muhabbat Karta Hun (Complete)

Main aisi mohabbat karta hoon
Tum kaisi mohabbat karti ho
Tum jahan peh beth k jati ho
Main waheen pe betha rehta hoon
Uss cheez ko choota rehta hoon
Main aisi mohabbt karta hoon

Tum jis se huns k milti ho
Main us ko dost banata hoon
Tum jis raste par chalti ho
Main us se aata jata hoon
Main aisi mohabbat karta hoon
Tum kaisi mohabbat karti ho

Tum jin ko dekhti rehti ho
woh khawab….sarhane rakhta hoon
Tum se milne julne k
Kitne hi bahane rakhta hoon
Main aisi mohabbat karta hoon
Tum kaisi mohabbat karti ho

Tum jahan bhi beth k jati ho
Jis cheez ko haath lagati ho
Main waheen peh betha rehta hoon
Uss jaga ko choota rehta hoon
Main aisi mohabbat karta hoon
Tum kaisi mohabbat karti ho

Kuch khawab saja kar aankhon main
Palkon say moti chunta hoon
Koi lums agar choo jaa a to
Main pehroon us ko sochta hoon
Main…aisi mohabbat karta hoon
Tum kaisi mohabbat karti ho

Jin logon main tum rehti ho
Tum jin se baatein karti ho
Tum jin se huns k milti ho
Jo tum ko ache lagte hoon
Wohi mujh ko ache lagte hain
Main aisi mohabbat karta hoon
Tum kaisi mohabbat karti ho

Jis bagh main subh ko jati ho
Jis sabze par tum chalti ho
Jo shaakh tumhein choo jati hai
Jo khushboo…tum ko bhaati hai
Woh oos tumhare chehre par
Jo qatra qatra girti hai
Woh tittli chor k phoolon ko
Jo tum se milne aati hai
Jo tum ko choone aati hay
Unn sab k nazuk jazbon main
Mere dil ki dharkan basti hai
Meri rooh bhi shamil rehti hai
Tum paas raho ya door raho
Nazron main samai rehti ho
Main tum ko takta rehta hoon
Main tum ko sochta rehta hoon
Main aisi mohabbat karta hoon
Tum kaisi mohabbat karti ho

Jis college main tum parhti ho
Jis class main bhi tum jati ho
Jis kursi pe tum bethti ho
Jab class woh khali hoti hai
Main ja k us main bethta hoon
Uss kursi ko main choota hoon
Gadla sa ik tissue paper
Jo tum ne class main choora tha
Main pyar se uss ko choota hoon
Main us ko…purse main rakhta hoon
Woh copy jis main lecture k tum points likhti rehti ho
Har moqay par har manzar main
Main saath tumhare rehta hoon
Main chashm-e-tasavvur main aksar
Bas tum ko dekhta rehta hoon
Bas tum ko sochta rehta hoon
Main aisi mohabbat karta hoon
Tum kaisi mohabbat karti ho

Tum jab bhi ghar par aate ho
Aur sab se baatein karte ho
Main aut se parde ki janan
Bas tum ko dekhti rehti hoon
Ik tum ko dekhne ki khatir main kitni pagal hoti hoon
Main aisi mohabat karti hoon
Tum kaisi mohabbat karte ho

Jab darwaze par dastak ho
Ya ghanti phone ki bajti ho
Main chor k sab kuch bhagti hoon
aur tum ko jo na paoon to ji bhar k ronay lagti hoon
Main aisi mohabbat karti hoon
Tum kaisi mohabbat karte ho

Mehfil main kahein bhi jana ho
Kapron ka selection karna ho
Rang bohat se samne bikhre hoon
Uss rang pe dil aa jata hai
Jo rang k tum ko bhata hai
Main aisi mohabbat karti hoon
Tum kaisi mohabbat karte ho

Rozana apne college main
Kisi aur ka lecture sunte hoe
Ya break k khali ghante main
Sakhiyon se baatein karte hoe
Meray dhiyan main tum aa jate ho
MAin,main nahin rehti
Phir jaana main tum main gum ho jati hoon
Bas khawabon main kho jati hoon
Unn aankhon main kho jati hoon
Main aisi mohabbat karti hoon
Tum kaisi mohabbat karte ho

Jis chehre par bhi nigha pare
Har chehra tum sa lagta hai
Woh sham ho ya ke dhop samay sab kitna bhala sa lagta hai
Jane ye kaisa nasha hai garmi ka
Tapta mousam bhi jaray ka maheena lagta hai
Main aisi mohabbat karti hoon
Tum kaisi mohabbat karte ho

Tum jab bhi samne aate ho
Main tum se sunna chahti hoon
Kash kabhi tum ye keh do
Tum mujh say mohabbat karte ho
Tum mujh ko bohat hi chahte ho
Lekin jane tum kyun chup ho
Yeh soch k dil ghabrata hai
Aisa to nahin hai na jana sirf meri nazar ka dhoka ho
Tum ne mujh ko chaha hi na ho
Koi aur hi dil main rehta ho

Main tum se poochna chahti hoon
Main tum se kehna chahti hoon
Lekin kuch pooch nahin sakti mana ke mohabbat hai
Phir bhi lab apne khol nahin sakti
Main larki hoon kaise keh doon
Main kaisi mohabat karti hoon
Main tum se ye kaise pochoon
Tum kaisi mohabbat karte ho
Chup chap see main…ho jati hoon
Phir dil main apne kehti hoon

Main aisi mohabbat karti hoon
Tum kaisi mohabbat karte ho


Mein Bhool Jaoon Tumhein Ab Yehi Munasib Hai

 

Mein Bhool Jaoon Tumhein Ab Yehi Munasib Hai,
Gar Bhulna Bhi Chahoon To Kis Tarah Bhuloon?

K Tum To Phir Bhi Haqeeqat Ho Koi Khwab Nahi,
Yahan To Dil Ka Ye Aalam Hai Kya Kahoon

Bhula Saka Na Ye Wo Silsila, Jo Tha He Nahi,
Wo Aik Khayal Jo Awaz Tak Gaya He Nahi,

Wo Aik Baat Jo Mein Keh Nahi Sake Tum Se,
Wo Aik Rabt Jo Hum Mein Kabhi Raha He Nahi,

Mujhe Hai Yaad Wo Sab Jo Kabhi Hua He Nahi,
Agar Ye Haal Hai Dil Ka To Koi Samjhaye,

Tumhein Bhulana Bhi Chahoon To Kis Tarah Bhuloon?

K Tum To Phir Bhi Haqeeqat Ho Koi Khwab Nahi


Kuch Ishq Kiya Kuch Kaam Kiya

Woh Log Bohot Khush-Qismat The

Jo Ishq Ko Kaam Samajhte The

Ya Kaam Se Aashiqi Karte The

Hum Jeete Jee Masroof Rahe

Kuch Ishq Kiya, Kuch Kaam Kiya

Kaam Ishq Ke Aarey Aata Raha

Aur Ishq Se Kaam Ulajhta Raha

Phir Aakhir Tang Aa Kar Hum Ne

Dono Ko Adhoora Chor Diya


kaho phir kya kiya jaaye mujhe tum acchi lagti ho

Koho phir Kiya Kiya Jaye…??
Mujhay Tum AcHi LaGti ho…
main tum ko acha lagta hoon…
kaho phir kya kiya jaye…??

Tumhari muskurati, geet gati dilruba ankhein…
Bahut gehri badi Qatil nihayat khushnuma ankhien…
mere dil say meri bytabiyoon say
khailti ankhein…
woh pehlay piyar ki zalim kasak ko jhailti ankhien…
khamooshi ki zuban main mujh say kia kuch bolti ankhein…
wo dil k bhaid saaray un’kahi main
khoolti ankhein…
Bazahir doston main khilkhilati chor nazroon say mujhay awaaz dayti dhoondti ankhein…
woh meri rooh kay rukhsaar ko ik faslay
say choomti ankhein…

ye sub batien batati hain…

main tum ko acha lagta hoon…
woh mery zabt kho daine pay fehmaish bhari nazrien…
Adaa e beniyazi ka woh ik nakam sa manzir…
woh ik kamzor si be iltafati berukhi ki sirf ik mahoom si kawish…
mujhay han, bus mujhay yoonhi nazar andaz kernay ki wo ik dilchusp si koshish…
ser e mehfil tumhara RaaZ Khul janay kay dar say be irada Ghair ahum logo say Rasmi Guftagoo kerna…
Ye sub batien batati hain…
main tum ko acha lagta hoon…

Kaho phir kya Kiya Jaye…??

mere be sakhta Fiqray… Mere Lehjay Ki HeR Shookhi…
mera har waqt HeR iK Simat tum Ko dhondtay Rehna…
Nazer Pertay hi tum par zaur say dil ka dharak uthna…
bahut hi walihana pan say tum ko daikhtay rehna…
mera khawabon khiyalon main tumhara hath thamay…
door tak chaltay chalay jana…
Misalon main hawalon main…
tumhara ziker le aana…
kisi nokhaiz ladkay ki terha…
her aik kaghaz par tumhara naam likhna aur pher likh ker mita dayna…
ye sub batien batati hain…
mujhy tum achi lagti ho…

Kaho phir kya kiya jaye…??

MujHay tum achi lagti ho…
main tum ko acha lagta Hoon…
Kaho phir kya kiya jaye…??

Hamaray dermiyan Rasmoon, riwajoon ka…
Samaji mertabay ka…
umer ka aur khandanoo ka…
bahut ghera Khala hai…
Is ko kaisay pur kiya jaye…??


Kaho phir kya kiya jaye…??
Kaho phir kya kiya jaye…??


Kaha Tha Na Meri Khamoshiyon Ko Tum

kaha tha na!!!

meri khamoshiyon ko tum koi mainay nahi dena
judai ki sabhi baatien meri ankhon mein parh lena
meri iss muskurahat mein,

agar mahsoos kar pao
to mere ansooN ki tum nami mahsoos kar lena
kaheen jo rah gayi hai wo kami mahsoos kar lena
meri sochien!!
mere alfaaz ka jab roop leti hain
tumhara aks banta hai
meri neendoon mein jab jab ratjagoon ke deeep jaltay hain
tumhara zikr chalta hai
tumhari yaad maazi ke dareechay khool deti hai
tumhari shabnami aahat ye mujh se bol deti hai
kaha tha na!!
humaray darmiyan ye faslay qismat mein likhay hain
aur iss qismat ke likhay ko
badal tum bhi nahi saktein, badal mein bhi nahi sakta
magar mushkil yehe hai hijr ke parpeech raston per
sambhal tum bhi nahi saktien, sambhal mein bhi nahi sakta
to behter hai ke hum ek dosray ki yaad ke humrah hojayien
ke abh ke iss mohabat se
nikal tum bhi nahi saktien, nikal mein bhi nahi sakta
suno jaanaaN
tumhari shabnamni aahat mere andar dharkti hai
magar jab khaamshi se tum koi maaini nahi letien
to ye dil rooth jata hai
mere ander kaheen per kuch achanak tooot jata hai…

Judai Maut Hoti Hai

Judai mout hoti hai
Kabhi fursat mile to dekhna patton ka girna tum
K jab  ye sajar se gir zameen per aaan parte hain
To kaise roondh jate hain
Thitharti raat k khamosh lamhoon main
Kisi bebas akeli bewafa khamosh larki ki
kabhi tum siskiyaaan sunna

Kabhi kataaar se bachri hui konjon k nohe per
Nigaaah kerna
K kaise aik dooje ki judai per
Tarap ker baen kerti hain

Kabhi rukhsat k lamhoon main
kisi ki ankh se larazte hue ansoo ko dekho gi

To shayad  ya jaan jao gi
Judai mout hoti hai

Suni Jana Judai Maut Hoti Hai…..
Abhi tum ne
Mohabbat k baraste Bhegte mausam nahi dekhe
Abhi tum titliyooon k rang muthi main chupate ho
Abhi tum muskurate ho

Suno jana!

kabhi jo zindagi ne ajnabi rahoon per,
Tumhari ya hasi cheeni

To phir ansoo bahao gi
Tum itna jaan jao gi

Judai mout hoti hai…!!!


Chalo Choro Muhabba Jhoot Hai

CHALO CHORO

Muhabbat jhoot hai

Ehd-e-wafa ik shughl hai baikaar logon ka

“Talab” sookay huway patton ka baironuq jazeera hai

“Khulish” deemuk-zuda awraaq pur boseeda sutron ka zakheera hai

“Khumaar-e-wusl” tuptee dhoop ke seenay pe Urrtay baadlon ki raaigan bukhshish

“Ghubar-e-Hijr” sehra main sarabon say atey mosum ka khamyaza
..

..

..

..

CHALO CHORO

Ke ab tuk main andhairon ki dhumuk main saans ki zarbon pe

Chahut ki bina ruk kar safar karta raha tha

Mujay ihsas hi kub tha

Ke tum bhee mosumon ke saat apnay peruhun kay rung badlogi

..

..

..

..

CHALO CHORO

Wo saray khwab kuchee bhurbhuree muttee ky baiqeemut gharonday they

Wo saray zaaiqey mairee zuban pur zukhm bun kar jum gaye hongay

Tumharee unglion ki nurm porain puthuron pe naam liktee thee mera laikin

Thumharee unglian tho aadtun ye jurm karthee thee

..

..

..

..

CHALO CHORO

Safar main ajnubee logon say aisay haadsay surzud huwa karthay hai
Sadion say

..

..

..

..

CHALO CHORO

Mera hona nu hona ik barabar hai

Tum apnay khaal-o-khud ko aayeenay main phir nikurnay do

Tum apnee aank ki bustee main phir say ik naya mosum uturney do

“meray khwabon ko murnay do”

nuyee tasweer daiko

phir naya maktoob liko

phir nuye mosum nuye lafzon say apna silsila jorho

meray maazee ki chaahut raayegaan sumjo

meree yaadon say kuchey raabitay torho
..

..

..

..

CHALO CHORO

muhabbat jhoot hai

Ehd-e-wafa ik shughl hai baikar logon ka


Besabab yunhi Sar e Sham nikal Aaty hein

Besabab yunhi Sar e Sham nikal Aaty hein,
mere sb lafz tere naam nikal Aaty hein,

kiya hunar paish karein apne sukhan ka ab hum,
bethy bethy unhein elhaam nikal Aaty hein,

ye vohi wada shikan hein jinhein shikwa hy k,
paich-o-kham zulf me har Gaam nikal Aaty hein,

jinhein kuch kaam nhe apni sajawat ke siwa,
hum bulaien to unhein kaam nikal Aaty hein,

hy ajab bekhudi si unki chashm-e-Girya mein,
maikadey band ho’n to jaam nikal Aaty hein,

ajab hy kocha-e-jana’n me ab meri halat,
bohat sehmey huey Gumnaam nikal Aaty hein,

ajeeb adal hy Ahmed Ajab Adalat hy,
Begunahi Me bhi ilzaam nikal Aaty hein…!!


Tum Abr e Gurezan Ho…..

tum abr-e-gurezan ho, me sehra k jesa hon
do bond jo barso gey, be kaar me barso ge

hai khushk bohat matti, har simat bagoley hain
sehra k bagolon se uthtay hi to sholey hain

tum khul k agar barso, sehra me gulistan ho
per tum se kahein kese, tum abr-e-gurezan ho

jal thal jo agar ker do, tan man me nami bhar do
hai khushk bohat matti, pori jo kami ker do

phr tumko batein ge, k tum rooh me pinha ho
per tum se kahein kes, tum abr-e-gurezan ho

mil jao agar humko, hum jashan manaein ge
dharti ne na dekhe honge, woh phool khilayein ge

ankhon me ujaly hon, or dil me charagh ho
per tum se kahin kese, tum abr-e-gurezan ho

mana nahi is kabhi, tum chaho muhabbat do
hum tum ko sada chahein ge bus itni ijazat do

tum ishq tum hi poja, aey jaan meri jaan ho
per tum se kahein kese, tum abr-e-gurezan ho….!!!!!


Aa Kisi Shaam Kisi Yaad Ki Dehleez Pe Aaa….

Aa kisi sham kisi yaad ki dehleez pay aa
Umer guzri tujhay dekhay hoay, behlaye hoay
yaad hay?
hum tujhay dil mantay thay
apnay seenay mai machlta hoa ziddi bacha

tere har naaz ko oungli pakar kar aksar
nit naye khawab k bazar mai lay aatay thay
tere har nakhray ki farmaish par
ik jewan tamanna’oun ki beenaye say hum dekhtay thaktay he na thay,

sochtay thay
ik chota sa naya ghar
naya mahoul
mohabbat ki fiza
hum donoun
aur kisi baat pay takiyoun say larai apni

phir larai mai kabhi hastay hoay rou parna
aur kabhi rotay hoay hans parna
aur thak haar k gir parnay ka masoum khush bakhsh khayal

yaad hay?

hum tujhay sukh jantay thay
raat hans parti thi be-sakhta darshan say tere
dil teri duuri say rou parta tha

yaad hay?
hum tujhay jaan kehtay thay
teri khamoshi say hum mar jatay thay
teri aawaz say jee uthtay thay
tujh ko chu lenay say aik zindagi aa jati thi sharyanoun mai
thaam lenay say koi shehar sa bas jata tha weranoun mai

yaad hay?
hum tujhay milnay k liye
waqt say pehlay pochanch jatay thay
aur mulaqaat k ba’ad
hum bohat der say ghar aatay tau kehtay k humain khuch na kaho
hum bohat duur say ghar aaye hain
es qadar duur say aye hain keh shaid he koi aa paye

yaad hay?
hum tujhay bhagwan samajhtay thay magar kufar say dar jatay thay
tere chin janay ka dar theek say rakhta tha musalman humain

yaad hai? …… yaad hai?

aa kisi sham kisi yaad ki dehleez pay aa
tere bholay hoay rastoun pay liye phirta hay iman humain
aur kehta hay keh pehchan humain

yaad hay?
hum tujhay iman kaha kartay thay


Follow

Get every new post delivered to your Inbox.

Join 1,801 other followers